Trade In

Trade In - bu eski smartfoningizni va gadjetingizni yangisiga almashtirish imkonini beruvchi xizmat.

1 qadam

Smartfoningizni openshop sotuv nuqtasiga olib keling yoki openshop.uz ilovasi orqalik onlayn tarzda malumotlarini kiriting. OPENSHOP hodimlari smartfoningizni sotuv nuqtasida yoki onlayn tarzda baholash ishlarini o'tkazishadi va mahsulotingizni sotib olinish qiymatini aytishadi.

2 qadam

"Trade In" dasturi bo'yicha almashtirmoqchi bolgan smartfoningizga onlayn tarzda berilgan narh to'gri kelsa siz uni sotuv nuqtasiga olib kelasiz (Onlayn tarzda baholagan smartfoning narhi siz bergan malumotlar to'gri ekanligiga ishongan holda 80% gacha aniqlikda chiqariladi.)

3 qadam

yangi smartfon xarid qilish uchun narxidagi farqini – naqd pulda yoki bank kartasi orqali, yoxud muddatli to'lov rasmiylashtirishingiz mumkin.

(B/U Avval ishlatilgan qurilmaga baholash jarayonida berilgan narx baholash o'tkazilgan kunga amal qiladi.)

TRADE-IN XIZMATIDAN FOYDALANISH SHARTLARI

• "Trade In" dasturidan O'zbekiston Respublikasi fuqarolari o'z pasportining yoki ID-kartasining asli bilan foydalana oladilar

• Smartfon qonuniy asoslarda mijozga tegishli bo'lishi, garovda bo'lmasligi va uchinchi shaxslarning egalikga davo talablaridan ozod bo'lishi lozim.

TRADE-IN hizmati orqali sotib olinayotgan mahsulotga talablar

• Smartfon yoqilishi lozim.
• Smartfon o'z vazifalarini bajarishi (ovozli qo'ng'iroq amalga oshirish, internetga kirish imkoni bo'lishi) kerak.
• Smartfon displeyi teginishlardan ta'sirlanishi, unda sinishlar yoki dog'lar bo'lmasligi zarur.
• Smartfon korpusining butunligi yani sinmagan, dars ketmagan va tashqi kuchlarning kuchli tasir izlaridan butun bo'lishi zarur.
• Smartfon mijozning qayd hisoblaridan (akkauntlaridan) ajratilgan, zavoddagi sozlamalar holatiga qaytarilgan bo'lishi kerak.
• SIM-karta uyachasida begona narsalar bo'lmasligi zarur.

OPENSHOP.UZ SAYTIDA "TRADE-IN" XIZMATI BO'YICHA OMMAVIY OFERTA

1. Xizmatning mohiyati

"Trade-in" xizmati — bu OpenShop.uz foydalanuvchisiga (keyingi o'rinlarda "Sotuvchi") o'ziga tegishli ishlatilgan smartfon/gadjetni OpenShop.uz (keyingi o'rinlarda "Platforma")ga topshirish va uning evaziga kelishilgan narxda naqd pul olish yoki yangi mahsulotga almashtirish imkoniyatini beruvchi xizmatdir.

2. Taklifning umumiy tartibi

2.1. Platforma foydalanuvchidan qurilmani qabul qilishdan oldin uni vizual va texnik jihatdan baholaydi.
2.2. Qurilma holatiga qarab taklif qilinadigan narx foydalanuvchiga SMS, ilova, email yoki boshqa elektron aloqa vositasi orqali yetkaziladi.
2.3. Foydalanuvchi ushbu narxga rozilik bildirganidan so'ng, trade-in shartnomasi kuchga kiradi.
2.4. Foydalanuvchi qurilmaning texnik holati va baholash natijalariga rozi ekanini tasdiqlaydi.

3. Qurilma holati va egasi huquqi

3.1. Foydalanuvchi trade-in orqali taqdim etayotgan qurilmaning yagona egasi bo'lishi shart.
3.2. Qurilma boshqa shaxsga tegishli, o'g'irlangan, garovga qo'yilgan yoki boshqa huquqiy cheklovga ega bo'lmasligi kerak.
3.3. Qurilma qulfdan chiqarilgan (iCloud/Google), shaxsiy ma'lumotlardan tozalangan va imkon qadar asl komplekt bilan topshirilishi lozim.

4. To'lov va mulk huquqining o'tishi

4.1. Narxga rozilik berilganidan so'ng Platforma foydalanuvchiga to'lovni quyidagi shakllarda amalga oshiradi: Naqd pul; Bank o'tkazmasi; Yangi mahsulot bilan almashtirish.
4.2. To'lov, foydalanuvchi tomonidan narxga rozilik bildirilgan kundan boshlab 1 ish kuni ichida amalga oshiriladi.
4.3. To'lov amalga oshirilganidan so'ng qurilmaga egalik huquqi to'liq OpenShop.uz platformasiga o'tadi.
4.4. Platforma bu qurilmani uchinchi shaxslarga sotish, almashtirish yoki boshqa maqsadda foydalanish huquqiga ega.

5. Javobgarlik va rad etish huquqi

5.1. Agar foydalanuvchi qurilma holati yoki egalik huquqi to'g'risida noto'g'ri yoki yolg'on ma'lumot bergan bo'lsa, Platforma yetkazilgan zararlar uchun to'lov undirish huquqiga ega.
5.2. Foydalanuvchi mahsulotni topshirgunga qadar Platforma uni qabul qilishdan voz kechish, narxni o'zgartirish yoki xizmatni bekor qilish huquqini o'zida saqlab qoladi.
5.3. Platforma texnik nuqsonlar, funksional cheklovlar, qulfdan chiqmaganlik yoki hujjatlarning noto'g'riligini asos qilib, qurilmani qabul qilmaslik huquqiga ega.

6. Rozilik

6.1. Foydalanuvchi ushbu ofertani qabul qilish orqali trade-in xizmati shartlarini to'liq o'qib chiqqanini, tushunganini va ularga rozilik bildirganini tasdiqlaydi.
6.2. Ofertani qabul qilish harakati sifatida foydalanuvchi tomonidan qurilmani Platforma xodimlariga topshirish yoki elektron ravishda rozilikni tasdiqlash (ilova, sayt yoki SMS orqali) huquqiy kuchga ega hisoblanadi.

7. Yakuniy qoidalar

7.1. Ushbu oferta O'zbekiston Respublikasining amaldagi qonun hujjatlari asosida yuritiladi.
7.2. Ofertadagi har qanday o'zgarishlar OpenShop.uz saytida e'lon qilinishi bilan kuchga kiradi.
7.3. Nizolar muzokara yo'li bilan hal etiladi, kelishilmagan hollarda — sud tartibida ko'rib chiqiladi.
7.4. Ushbu oferta doimiy amal qiladi, biroq Platforma uni istalgan vaqtda bir tomonlama o'zgartirish yoki bekor qilish huquqiga ega.